(گه‌ڕانه‌وه‌ بۆسروشت)

بۆ یەکەم جار مرۆڤ ، بە ئادەم و حەوا دەستیپێکرد ؟ یان نەخێر لە خانەیەکەوە ( ئەوەی جاران پێیان دەگووت کرمەکە) دروست بوو؟

گرنگ نیە و وەڵامەکەی خزمەت بەوەناکات کەمن دەمەوێت باسی بکەم. گرنگ ئەوەیە سەرەتا مرۆڤ ڕووت بوو ...ڕووت بوو لە جل و بەرگەوە بیگرە تادەکاتە هونەر،سیاسەت ،زانست ،کلتوور ، ...هتد.

المهم ...واتە مرۆڤ لەهەرکوێوە هاتبێت ،ئەوا بەشێک بووە لەسروشت و تەنانەت ئەگەر لە هیچیشەوە هاتبێتە بوون !!!!ئەوا هەر بوەتە بەشێک لەسروشت .

لەوکاتەوە تا ئێستا چەند ساڵ وڕۆژە ؟ گرنگ نیە بزانین..

گرنگ ئەوەیە ئێستا مرۆڤ شتێکی ترە،نەک خۆی گۆڕاوە،تەنانەت سروشتیشی گۆڕیوە !!

گۆڕان..گۆڕان..

کام گٶران ؟

ئەوە هیچ دەبوو مرۆڤ و سروشتیش بگۆڕێن بمانەوێت یان نا..بەڵام پرسیارەکە ئەوەیە ئایا ئیمکان نەبوو ئەو بەشە لەگۆڕان کە لەسەر دەستی مرۆڤ کرا باشتر بێت.؟

ئەمڕۆ و لە هەموو شوێنێک ،ئیتر خەریکە ئەم گۆڕانە لەهەموو کات زیاتر،هەم هەستی پێدەکرێت ، هەم خەریکە هەڵوێستگیری !!! لەسەر دەکرێت..

ئەگەر سەردەمانێک ،بەرلە سەدەو بگرە زیاتریش لە ئەوروپا خەڵکانێکی فەیلەسووف و بیرمەند ڕاچڵەکیبن و گوێیان سووک بوو بێت بۆ بیستنی زەنگی ترسناکی گۆڕان و پێشکەوتنی زانستی ،ئەوا ئەمڕۆ ئەم بابەتە لە ناو فەیلەسووفەکان چۆتەدەرەوەو کەسانی زۆر ئاسایی و لەزۆرشوێنی دنیا گوێیان لەم زەنگەیەو ترسێک ،یان لانی کەم ئارەزوویەک لە گەرانەوە بۆ سروشت ( دواوە !!) یان هەیە..

سەیرە..ئینسان بۆ کە بێ پێشکەوتن نابێت.ئێستا خەریکە لێی دەترسێت ؟ ئەوە چی یە دانیشتوانی پایتەختە جوانەکان مەیلی قەراغ شاریان زیادی کردووە بۆ ژیان ؟ ئەوە چی یە میوەکان جوانتر دەبن وبێتامتر ،هەر وەک بڵێی جوانی بە نرخی تام بەدەستهاتووە ؟

سەیرە ،خۆمان لەسەر حسابی کات وژیان بیناکان دەبەین بەئاسماندا کەچی چاوبڕکێ لەگەڵ کوخ و خانووی قوڕ وزۆپای دار دەکەین ؟

چی بووە ؟ مەیلی گەڕانەوە بۆ سروشت و ڕاکردن لە دەست چەنجاڵی خەریکە گلۆباڵ دەبێت !!

بەراست هەست ناکەن ، لەگەڵ ئەم هەموو دەوڵەمەندی پێشکەوتنە هێشتا ڕۆحمان هەژار و کڵۆلەو ڕووتترە لەوڕۆژەی کەبەڕووتی هات و لەسەرەوە باسمان کرد...

لێرەدا دەوەستم چونکە :

1- ئەم باسە مەغدوور دەبێت زیاتر لەسەری بڕۆم لێرەدا و مەنهەجییەتی لەگەڵ نەبێت..ئەمەباسێکی زۆر گرینگ و گەورەیەو ..باسێکی بەردەم بەشەرییەتە لەداهاتووی نزیکدا ..من چیم پێدەکرێت لەگەڵ وەها باسێک!!

2-تەنها ووشەیەکم ووتوە..وەک وڕێنەش سەیری بکەن قبووڵمە و گلەییم نی یە !! تەنها وویستم دەمتان تاقی بکەمەوە .تەنها وویستم داخی دڵم دەربکەم لەبەرامبەر ئەو ناڕەزایەتی یەی کە زۆرێک هەیانە بەرامبەر بە ئەمڕۆی ژیان و جەنجاڵی یەکەی..دواجار دەڵێم..نەک بێزار نیم لەپێشکەوتن تەنانەت مضاعفاتە خراپە ناچاریەکانیشیم قبووڵە ..بەڵام کاتێک دەبینم ئەم پێشکەوتنە بەرگی چاوچنۆکی سەرمایەداری تێدەئاڵێت و کاتێک دەزانم لانی کەم 2500 ساڵ لەمەوبەر فیساگۆرس چی ووتوە و دۆزیوەتەوە لەبواری بیرکاریدا،کاتێک دەزانم پێشکەوتن وداهێنان بۆ پشووی بەشەرەو کەچی بەشەر هەر هیلاکتر..کاتێک دەزانم عەقڵ خەریکە بۆشای ئاسمان و ناو سکی زەوی هەمووی کەشف کردووە،کەچی هێشتا زانست نەیتوانیە بزانێت کە ..برسی نانی دەوێت- نەخۆش عیلاج-هیلاک پشوو - .....سەیرە چ نەزانیەکە ؟ چ داماوی یەکی عەقڵە ؟ کوا پێشکەوتوین ؟

نا بەگێک بۆدواوە ..بۆ دواوە بۆلای خودی مرۆڤ ..

مرۆڤیش بەگێک بۆ دواوە بۆلای سروشت ..

ئنجا پێشکەوتن ،،،،فاروق عبدالله